Օսմանյան կայսրության վերջին տարիներին հայ ժողովրդի դեմ իրականացված ցեղասպանության ճանաչումը և՛ բարոյական, և՛ պատմական պարտք է: Այս մասին X-ի իր էջում գրել է Իսրայելի արտաքին գործերի նախարար Գիդեոն Սաարը։
«Իսրայելի կառավարության հաջորդ նիստին ես կներկայացնեմ Հայոց ցեղասպանության Իսրայելի կառավարության կողմից պաշտոնական ճանաչման վերաբերյալ բանաձևի առաջարկ:
Օսմանյան կայսրության վերջին տարիներին հայ ժողովրդի դեմ իրականացված ցեղասպանության ճանաչումը և՛ բարոյական, և՛ պատմական պարտք է:
Մենք պետք է նաև վճռականորեն դատապարտենք պատմական ճշմարտության ցանկացած ժխտում, նվազեցում կամ աղավաղում:
Բանաձևը հետագայում կներկայացվի Քնեսեթի քվեարկությանը»,- գրել է Սաարը:
