ԱՄՆ նախագահ Դոնալդ Թրամփը չի կարծում, որ Միացյալ Նահանգները առնչություն ունեն Իրանի Մինաբ քաղաքում աղջիկների դպրոցի վրա հարված հասցնելուն իր ռազմական գործողության սկզբում։ Այդ մասին քաղաքական գործիչը հունիսի 24-ին հայտնել է Սպիտակ տանը դաշինքի գլխավոր քարտուղար Մարկ Ռյուտեի հետ հանդիպման ժամանակ։
«Ես չգիտեմ՝ արդյոք նրանք ընդհանրապես կկարողանա՞ն պարզել, թե ում մեղքով դա տեղի ունեցավ, որովհետև այդ ժամանակ հրթիռները թռչում էին ամենուր։ Իսկ այն, ինչ տեղի ունեցավ, սարսափելի է։ Բայց հրթիռներն իսկապես թռչում էին բոլոր կողմերից։ Ինչ-որ մեկն ասե՞լ է, որ դա մեր հրթիռն էր։ Դե, հնարավոր է, որ դա մեր հրթիռը չի էլ եղել։ Բայց ես ոչինչ չեմ տեսել, ինչը կստիպեր ինձ հավատալ, որ դա հենց մերն էր։ Բավականաչափ հրթիռներ կային, որոնք արձակում էին նաև մյուս կողմերը», — համապատասխան հարցին ի պատասխան ասել է Թրամփը։
Նա նաև կարծիք է հայտնել, որ եթե միջադեպի քննության ընթացքում հաջողվի պարզել ողբերգության մեղավորներին, ապա դրանք հաստատ Միացյալ Նահանգները չեն լինի։
«Այսինքն՝ եթե դուք գտնեք ճիշտ պատասխանը, ես չեմ կարծում, որ դա մենք կլինենք։ Ես չեմ կարծում, որ դա մենք էինք։ Այդ ժամանակ բազմաթիվ հրթիռներ էին արձակվել», — նշել է Թրամփը։
