Իսրայելի պաշտպանության բանակի (ՑԱՀԱԼ) Գլխավոր շտաբի պետ, գեներալ-լեյտենանտ Էյալ Զամիրը հայտարարել է, որ իսրայելական զինվորականները պատրաստ են հարված հասցնել հակառակորդին անմիջապես քաղաքական թույլտվություն ստանալուց հետո, հայտնում է The Times of Israel-ը։
Ինչպես հայտնել են ՑԱՀԱԼ-ից, բարձրագույն ռազմական ղեկավարության հետ խորհրդակցության ժամանակ Զամիրը շեշտել է. «Իսրայելի պաշտպանության բանակը հզոր հարված կհասցնի թշնամուն այն պահին, երբ կանաչ լույս տրվի»։
Իսրայելական բանակի տվյալներով՝ ՑԱՀԱԼ-ը պատրաստում է պատասխան գործողություններ Իրանի դեմ՝ Իսրայելի վրա երեկոյան իրականացված հրթիռային հարձակումից հետո, սակայն վերջնական որոշումը դեռ սպասում է երկրի քաղաքական ղեկավարության հավանությանը։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելի վարչապետ Բենիամին Նեթանյահուին կոչ է անում զերծ մնալ Իրանի դեմ պատասխան հարվածից։
