«Հայաստանից եկող արտադրանքի նկատմամբ Ռուսաստանի ձեռնարկած միջոցները նորմալ գործընթացներ են, պետք է ստուգել նոր արտադրանքը ամեն սեզոնին»:
Այս մասին հայտարարել է Ռուսաստանի փոխվարչապետ Ալեքսեյ Օվերչուկը:
«Մենք ընդհանրապես որևէ սահմանափակում չենք մտցնում հայկական ներմուծման համար։ Դա սովորական, նորմալ աշխատանք է՝ կապված այն բանի հետ, որ հիմա նոր բերք է ստացվել, նոր արտադրանք է ստացվել, բնականաբար, աշխատանքի ընթացքում ինչ-որ բան է հայտնաբերվում: Ստուգումներ տեղի են ունենում պարբերաբար»,- ասել է Օվերչուկը՝ հայտնելով, թե այդպիսով ցանկանում են պաշտպանել Ռուսաստանում սպառողներին:
Միևնույն ժամանակ նա անդրադարձել է Հայաստան-Եվրամիություն հարաբերություններին:
«Եթե Երևանը կարծում է, որ ԵՄ-ում իրեն ավելի լավ ու հարմար կլինի, քան ԵԱՏՄ-ում, կարող է նման ընտրություն կատարել, բայց ոչ մեր հաշվին»,- հայտարարել է ՌԴ փոխվարչապետը:
