Մենք Թրամփի ուղու հետ կապված պաշտոնապես հրապարակել ենք հետևրյալ տրամաբանությունը՝ որ պահին անհրաժեշտություն առաջանա կոնկրետացնել անցումները Թրամփի ուղու հետ կապված, մենք այդ հատվածները առանձին կսահմանազատենք։ Այս մասին այսօր՝ մայիսի 9–ին, «Հաղթանակ» զբոսայգում զրույցում նշեց ՀՀ փոխվարչապետ Մհեր Գրիգորյանը՝ հավելելով, որ դա ժամանակատար պրոցես չի լինի։
Դիտարկմանը, որ ռուսական կողմը հիշեցնում է փոխվարչապետերի մակարդակով եռակողմ համաձայնությունների մասին, որտեղ ևս պայմանավորվածություններ են եղել սահմանազատման մասով, Մհեր Գրիգորյանն արձագանքեց. «Ապաշրջափակման հետ կապված հարցերն, իրոք, քննարկվել են եռակողմ աշխատանքային ֆորմատով փոխվարչապետերի միջև, բայց այդ աշխատանքային խմբի մանդատը սահմանափակված է եղել միայն ապաշրջափակման մասով։ Սահմանազատման հետ կապված մենք եռակողմ որևէ ֆորմատով քննարկում չենք ունեցել»։
