Հենրիխ Մխիթարյանին տպավորել է իր նախկին թիմի՝ Դուրտմունդի «Բորուսիայի» դեմ խաղը: Հայաստանի հավաքականի նախկին ավագ, 37-ամյա կիսապաշտպան Մխիթարյանը սոցցանցերում գրառում է կատարել Չեմպիոնների լիգայի վերջին տուրի հանդիպումից հետո:
«10 տարի անց… յուրահատուկ երեկո»,- գրել է Հենրիխ Մխիթարյանը եւ կից հրապարակել «Բորուսիայի» հետ խաղի լուսանկարով:
Չեմպիոնների լիգայի վերջին տուրում Իտալիայի փոխչեմպիոն «Ինտերը» Գերմանիայում 2:0 հաշվով հաղթեց Դորտմունդի «Բորուսիային»։
Հայաստանի հավաքականի նախկին ավագը «Ինտերի» մեկնարկային կազմում էր եւ փոխարինվեց 88-րդ րոպեին։
Հենրիխ Մխիթարյանը 10 տարի անց վերադարձել էր «Սիգնալ Իդունա Պարկ»: Հայ կիսապաշտպանը 2013-2016 թվականներին հանդես է եկել Դորտմունդի «Բորուսիայում», որի կազմում մասնակցել է 140 հանդիպման, դարձել 41 գոլի եւ 49 գոլային փոխանցման հեղինակ:
