Վաշինգտոն նահանգում 100,000 մարդ կարող է տարհանվել լայնածավալ ջրհեղեղների պատճառ դարձած ուժեղ անձրևների հետևանքով, հաղորդում է ABC հեռուստաալիքը։
Դեկտեմբերի 10-ին նահանգապետ Բոբ Ֆերգյուսոնը տարածաշրջանում արտակարգ դրություն է հայտարարել։ Նա նաև կոչ է արել բնակիչներին պատրաստվել հնարավոր տարհանումների։
Ավելի վաղ հաղորդվում էր, որ հյուսիսարևմտյան Այդահո, Վաշինգտոն և Օրեգոն նահանգների ավելի քան 9 միլիոն բնակիչ կարող է հայտնվել ջրհեղեղի գոտում՝ հորդառատ անձրևների պատճառով։ Ինչպես նշել էին ազգային օդերևութաբանական բյուրոյի մասնագետները, այս տարածքները կբախվեն մթնոլորտային գետի էֆեկտին, երբ արևադարձային և մերձարևադարձային շրջաններից ջրային գոլորշու հսկայական զանգվածներ են գալիս ավելի բարձր լայնություններ։ Երկուշաբթի օրվանից այստեղ արդեն տեղ-տեղ թափվել է մինչև 200 մմ տեղում, ևս նույնքան կարող է թափվել առաջիկա օրերին։ Նշվում է, որ, օրինակ, Վաշինգտոնում դեկտեմբերին տեղումների միջին նորման կազմում է 146 մմ, իսկ Օրեգոնում՝ 179 մմ։
Հաղորդվում էր, որ անձրևների պատճառով տեղական գետերում ջրի մակարդակը կարող է հասնել «ուժեղ ջրհեղեղի» մակարդակին։ Հնարավոր են նաև սողանքներ և սելավներ։
