Վաշինգտոնը շատ շուտով ցամաքի վրա կսկսի Վենեսուելայից թմրանյութերի ներմուծման դեմ պայքարը. ԹրամփՔաղաքականություն
Վաշինգտոնը շատ շուտով ցամաքի վրա կսկսի պայքարել Վենեսուելայից թմրանյութերի ներմուծման դեմ, հայտարարել է ԱՄՆ նախագահ Դոնալդ Թրամփը՝ ԱՄՆ ռազմաբազաների հետ Շնորհակալության օրվա կապակցությամբ հեռախոսազրույցի ժամանակ։
«Մենք կզբաղվենք դրանով, մենք արդեն շատ բան ենք արել։ Ծովային փոխադրումները կրճատվել են 85%-ով։ Դուք հավանաբար նկատել եք, որ մարդիկ չեն ցանկանում թմրանյութեր տեղափոխել ծովով, և մենք կսկսենք նրանց կանգնեցնել ցամաքում։ Դա ավելի հեշտ է անել ցամաքում, և շուտով կսկսենք», — նշել է ԱՄՆ նախագահը։
Թրամփը չի մանրամասնել, թե կոնկրետ որ տարածքը կլինի ապագա մարտադաշտը կամ թե ինչ կներառի հակամարտությունը։
ԱՄՆ բանակի նախարար Դանիել Դրիսկոլը նոյեմբերի 16-ին հայտարարել է, որ Վենեսուելայում կարող են զորքեր տեղակայվել՝ Թրամփի և պատերազմի նախարար Փիթ Հեգսեթի հրամանով։
Հեգսեթը նոյեմբերի 21-ին հայտարարել է, որ Վենեսուելայի վերաբերյալ ցանկացած գործողություն հնարավոր է։
