«Ինտեր Մայամիի» արգենտինացի հարձակվող Լիոնել Մեսսին մեկնաբանել է ֆրանսիական ՊՍԺ-ում (2021-2023 թթ.) անցկացրած երկու տարիները։
Մեսսին ընդգծել է, որ Փարիզում անցկացրած շրջանը «մղձավանջ չէր», սակայն նշել է, որ ինքը ֆուտբոլային հաճույք չէր ստանում։
«Երբ ասում եմ, որ այդ շրջանը հաճելի չէր, նկատի ունեմ՝ ես չէի ստանում հաճույք այն բանից, ինչով զբաղվում էի, այն բանից, ինչ սիրում եմ՝ ֆուտբոլ խաղալուց, առօրյայից, մարզումներից, խաղերից, որովհետև պարզապես ինձ լավ չէի զգում»,— ասել է Մեսսին Sport.es-ին։
Միաժամանակ, ֆուտբոլիստն ընդգծել է, որ իր ընտանիքի համար Փարիզում անցկացրած ժամանակը «հրաշալի փորձ էր»։
Մեսսին երկու անգամ նվաճել է Ֆրանսիայի չեմպիոնի տիտղոսը և մեկ անգամ՝ երկրի Սուպերգավաթը։
Ընդհանուր արգենտինացին անցկացրել է 75 խաղ, որոնցում դարձել է 32 գոլի և 35 գոլային փոխանցման հեղինակ։
