ՀՀ կառավարությունը հավանության արժանացրեց միանգամից երկու ժամանակավոր առևտրային համաձայնագրերի ստորագրման առաջարկությունները։
Դրանցից մեկը վերաբերում էր Եվրասիական տնտեսական միության և Մոնղոլիայի, ինչպես նաև ԵԱՏՄ–ի և Արաբական Միացյալ Էմիրությունների միջև ստորագրված համաձայնագրերին։
Այս համաձայնագրերի նախագիծը Եվրասիական տնտեսական հանձնաժողովի խորհրդի կողմից հավանության էր արժանացել 2025 թ. մայիսի 14–ի կարգադրությամբ։
«Համաձայնագրերի նպատակն է ազատականացնել և պարզեցնել կողմերի միջև ապրանքների առևտուրը, այդ թվում՝ սակագնային և ոչ սակագնային խոչընդոտների նվազեցման միջոցով, աջակցել կողմերի միջև տնտեսական և առևտրային փոխգործակցությանը, ինչպես նաև խրախուսել կողմերի միջև առևտրի ընդլայնումը և բազմազանեցումը»,– ասված է որոշման մեջ։
Համաձայնագրերի կիրարկման արդյունքում նախատեսվում է ապահովել կողմերի միջև առևտրի ընդլայնում և դիվերսիֆիկացում, ինչպես նաև բարձրացնել ԵԱՏՄ անդամ պետությունների ապրանքների մրցունակությունը մոնղոլական և արաբական շուկաներում՝ ավելացնելով արտահանման ծավալները:
