Հայաստանը պատրաստ է «նույնիսկ հիմա» խաղաղության պայմանագիր կնքել Ադրբեջանի հետ, Երևանը որևէ սահմանափակում կամ լրացուցիչ պայման չունի, ՌԻԱ Նովոստիին ասել է ՀՀ փոխվարչապետ Մհեր Գրիգորյանը։
«Մենք պատրաստ ենք այն ստորագրել թեկուզ հիմա։ Մենք որևէ սահմանափակում կամ լրացուցիչ պայման չունենք։ Մենք պատրաստ ենք ստորագրել հիմա և ցանկանում ենք, որ դա արվի որքան շուտ, այնքան լավ», — ասել է Գրիգորյանը՝ Սանկտ Պետերբուրգի միջազգային տնտեսական ֆորումում (ՍՄՏՖ)։
Նա հավելել է, որ այս պահին փաստաթղթի ստորագրման կոնկրետ վայրի և ժամանակի վերաբերյալ որևէ պայմանավորվածություն չկա։
