Ավստրիայի Գրաց քաղաքի դպրոցում տեղի ունեցած կրակոցների հետեւանքով մեկ մարդ զոհվել է, հարձակվողը վիրավորվել է, հաղորդել է Kronen Zeitung թերթը։
«Գրացում ներկա պահին լայնածավալ գործողություն է ընթանում: Դպրոցներից մեկում զինված միջադեպ է տեղի ունեցել»,- գրել է ավստրիական պարբերականը՝ հղում կատարելով սեփական տեղեկությանը։ Նախնական տվյալներով՝ հաստատվել է առնվազն մեկ զոհ, պարզաբանել է թերթը։
Նշվել է, որ պատահարի վայր են ուղարկվել ավստրիական Cobra հատուկ ուժերի մի քանի ստորաբաժանումներ։
Ոստիկանությունը հաստատել է, որ հարձակվողը նույն դպրոցի աշակերտ է եղել։ Նախնական տեղեկությունների համաձայն՝ նա ինքնասպան է եղել դպրոցի զուգարանում։ «Կրոնե» հրատարակությունը գրում է, որ հարձակման դրդապատճառը կարող էր լինել այլ աշակերտների կողմից ծաղրի ենթարկվելը:
