Ոչ, ես ոչ իմ տիկնոջ, ոչ էլ ուրիշների ստատուսները չեմ մեկնաբանում։ Այսպես արձագանքեց Հանրային ռադիոյի տնօրեն Արմեն Քոլոյանը, ի պատասխան Tert.am-ի հարցի, թե ինչպես կմեկնաբանի տիկնոջ՝ Շուշանիկ Ղազարյանի հայտարարություններն արցախցիների մասին:
Ճշտող հարցին՝ իսկ համակարծի՞ք է, որ արցախցիները «մեր հացը լափում են և Աստծուց մոռացաված դժբախտներ են», նա նորից կրկնեց, որ չի մեկնաբանում:
Քոլոյանը միայն հավելեց. «Չեմ էլ կարդում կնոջս ստատուսները, և նրան սիրում եմ որպես իմ կին, այլ ոչ թե ստատուսների հեղինակ»:
Ավելի վաղ հայտնել էինք, որ Հանրային Ռադիոյի տնօրենի կինը վիրավորական մեկնաբանություն է արել արցախցիների մասին:
