Կիրակնօրյա ավանդական մոմերով ընթրիքը դարձել է ամենաթանկն աշխարհում, գրում է BILD ԱՄՆ-ի թղթակից Հայկո Ռոլոֆը։ Նրանք, ովքեր ցանկանում էին հայտնվել ԱՄՆ իշխանության կենտրոնում՝ Վաշինգտոնի Ազգային պատկերասրահում, այս իրավունքի համար վճարեցին առնվազն մեկ միլիոն դոլար՝ երդմնակալությանը նվիրատվության տեսքով։ Ընդ որում, ազատ տեղեր չկային։
Ընթրիքի ժամանակ Թրամփի ընտրյալ հյուրերի թվում էին միլիարդատեր Իլոն Մասքը և Amazon-ի հիմնադիր Ջեֆ Բեզոսը և նրա կինը՝ Լորեն Սանչեսը: Հասարակական գործիչներն ու բիզնեսի առաջնորդները հավաքվել էին Թրամփի կամ նրա կնոջ՝ Մելանիայի կողմից նկատվելու կամ գոնե կարճ ժամանակով շփվելու նախագահի երեխաների՝ Դոնալդ կրտսերի և Էրիկի հետ: Երկուսն էլ համարվում են իրենց հոր մտերիմ խորհրդականները։
Ընթրիքի եկամուտը, ըստ լուրերի, կկազմի ավելի քան 200 միլիոն դոլար: Անցած անգամ՝ Թրամփի առաջին երդմնակալությունից առաջ, «մուտքի տոմսերն» արժեցել են երկու անգամ ավելի քիչ՝ յուրաքանչյուրը 500.000 դոլար։ Խոշոր գործարարների շրջանում, ովքեր ցանկանում են բիզնես անել կառավարության հետ, դա լավ ներդրում է համարվում։
Երեկոյի ավարտին Դոնալդ Թրամփը բեմ բարձրացավ կնոջ՝ Մելանիայի ուղեկցությամբ.
«Սա հիանալի օր էր, և վաղը կլինի ևս մեկ հիանալի օր: «Վաղը այն օրն է, երբ մենք կսկսենք փրկել մեր ազգը և Ամերիկան նորից հզորացնել», — ասաց նա՝ ծափահարությունների ներքո:
