Հայաստանը ողջունում է Գազայում հրադադարի մասին համաձայնագիրը, որը պետք է ապահովի երկու կողմերի պատանդների և գերիների ազատ արձակումը, հայտարարել է Հայաստանի արտգործնախարարությունը։
Պաշտոնական Երևանը հույս է հայտնել, որ այն կարևոր նշանակություն կունենա Պաղեստինի և Իսրայելի ժողովուրդների անվտանգության երաշխավորման, ինչպես նաև Մերձավոր Արևելքի տարածաշրջանում համապարփակ խաղաղության հաստատման համար։
Հայաստանի արտաքին քաղաքական գերատեսչությունը հրադադարի հաստատման հարցում բարձր է գնահատել, մասնավորապես, ԱՄՆ-ի, Քաթարի և Եգիպտոսի միջնորդական ջանքերը։
