ԱԺ նախագահ Ալեն Սիմոնյանի հանդիպումն անհետ կորած զինծառայողների հարազատների հետ ավարտվել է: Մեկ ժամից ավելի տևած բանակցություններից հետո քննիչ հանձնաժողովի նախագահ Անդրանիկ Քոչարյանի հետ հանդիպելու պայմանավորվածություն է ձեռք բերվել:
Հանդիպումը կայանալու է դեկտեմբերի 28-ին:
Ինչպես ավելի վաղ հայտնել էինք, անհետ կորած զինծառայողների ծնողները դեկտեմբերի 27-ին փակել էին Բաղրամյան պողոտան՝ պահանջելով հանդիպում 44-օրյա պատերազմի հանգամանքներն ուսումնասիրող քննիչ հանձնաժողովի ղեկավար Անդրանիկ Քոչարյանի հետ։
Ազգային ժողովի նախագահ Ալեն Սիմոնյանը նրանց առաջարկել էր ներս մտնել ԱԺ՝ ներսում հարցը քննարկելու համար։
