«Սովորենք լիարժեք եւ հավասար պայմաններով ապրել ինչ-ինչ պատճառներով մեզանից տարբերվող մարդկանց հետ»:
Այս մասին սոցիալական ցանցերի իր էջերում գրել է ՀՀ վարչապետի տիկին Աննա Հակոբյանը՝ հիշեցնելով, որ #կրթվելընորաձեւէ:
«2025 թվականը հայտարարենք կրթվելու տարի»,- գրել է Հակոբյանը:
Իր էջերում հրապարակելով նաև տեսանյութ, Հակոբյանը գրել է.
«Ավետիք Իսահակյանի տուն-թանգարանում մասնակցեցինք «Հանդիպման լավագույն վայրը` թանգարան» խորագրով կրթական ծրագրին, որի ընթացքում Երևանի հայ-հունական պետական քոլեջի` կրթության առանձնահատուկ պայմանների կարիք ունեցող 3 ուսանողները ելույթ ունեցան կարճ դասախոսություններով, ինչպես նաև երգեցին և նվագեցին մեզ համար։
Ծրագիրն իրականացվում է թանգարանի և ԿԱՊԿՈՒ (կրթության առանձնահատուկ պայմանների կարիք ունեցող) ապագա զբոսավարների համագործակցության շրջանակում»։
