Երևանում վթարի է ենթարկվել Տնտեսագիտական համալսարանի ռեկտորը. նրան տեղափոխել են հիվանդանոց

Երեկ՝ դեկտեմբերի 4-ին, խոշոր ավտովթար էր տեղի ունեցել Երևանում, այդ մասին Shamshyan.com-ը ֆոտոռեպորտաժ, տեսանյութ էր հրապարակել:

Պարզվել է վարորդների և վիրավորի ինքնությունը:

Կայքի տեղեկություններով՝ «Honda»-ն վարել է Երևանի բնակիչ 43-ամյա Արմեն Գրիգորյանը, իսկ «Mercedes»-ը վարել է Երևանի բնակիչ 26-ամյա Ալիկ Մկրտչյանը:

Վթարի հետևանքով Ա. Գրիգորյանը, ում առաջինը օգնության է հասել «Mercedes»-ի վարորդը և քաղաքացիները, տեղափոխվել է հիվանդանոց:

Ա. Գրիգորյանը Հայաստանի պետական տնտեսագիտական համալսարանի, ժողովրդին հայտնի՝ «Ժողինստիտուտի» ռեկտորն է և ըստ նախնական տեղեկությունների՝ վթարի մեղավորը եղել է նա, ով բախվել է «Mercedes»-ի հետնամասին:

Ավելի վաղ հայտնել էինք, որ դեկտեմբերի 4-ին խոշոր ավտովթար էր տեղի ունեցել Երևանում։ Ժամը 22:30-ի սահմաններում Մյասնիկյան պողոտայում բախվել էին «Mercedes» և «Honda» մակնիշի ավտոմեքենաները։

Ըստ նախնական տեղեկությունների՝ վթարի հետևանքով կար 1 վիրավոր, սակայն դեպքի վայրում հավաքված քաղաքացիները ասում էին, որ վիրավորները 2-ն են եղել։