Հայաստանի ԱԳՆ-ն իր խորին ցավակցությունն է հայտնել Իսպանիայում ջրհեղեղի հետևանքով տեղի ունեցած ողբերգության կապակցությամբ։
«Մեր անկեղծ ցավակցությունն ենք հայտնում մահացածների ընտանիքներին և մեր համերաշխությունը բոլոր նրանց, ովքեր տուժել են այս տարերային աղետի հետևանքներից»,- ասված է ՀՀ արտգործնախարարության X-ի միկրոբլոկում:
ոկտեմբերի 29-ի երեկոյան հորդառատ անձրևներ են տեղացել Իսպանիայի արևելյան և հարավային շրջաններում։ Առնվազն 51 մարդ է զոհվել Իսպանիայի Վալենսիա նահանգում հորդառատ անձրևների հետևանքով առաջացած ջրհեղեղների հետևանքով։
