Երեկ՝ հոկտեմբերի 24-ին, Կոնֆերենցիաների լիգայի 2024/25թթ․ խաղարկության լիգայի փուլի 2-րդ տուրում «Նոան» նվազագույն հաշվով ցավալի պարտություն կրեց ավստրիական «Ռապիդից»։
Խաղից հետո «Ռապիդի» գլխավոր մարզիչ Ռոբերտ Կլաուսը կիսվել է իր տպավորություններով։
«Շատ ուրախ եմ, որ հաղթել ենք այս խաղում և կարողացել ենք վաստակել ընդհանուր 6 միավոր։ «Նոան» շատ լավ խաղ ցուցադրեց առաջին 15 րոպեների, ինչպես նաև խաղի վերջին 15 րոպեների ընթացքում։ Ամեն դեպքում, ընդհանուր խաղի առումով «Ռապիդն» արժանի էր հաղթանակի։ Ցավոք՝ չկարողացանք 2-րդ գնդակը խփել՝ պահելով խաղի հետաքրքրությունը։
Ինչու էի առաջին խաղակեսի 15 րոպեների ընթացքում զայրացած իմ խաղացողների վրա, քանի որ նրանք շատ էին կորցնում գնդակը՝ անփույթ կերպով առաջ շարժվելու պատճառով։ 75-րդ րոպեից հետո մեր ֆուտբոլիստները հոգնել էին և չէին կարողանում խփել երկրորդ գնդակը։ Դրանից մեր մրցակիցները, այս դեպքում «Նոան», կարողանում են օգտվել»,- նշել է Կլաուսը։
