«Բարսելոնայի» հարձակվող Ռաֆինյան մեկնաբանել է Չեմպիոնների լիգայի խաղարկության լիգայի փուլի 3-րդ տուրի խաղում «Բավարիայի» դեմ տարած խոշոր հաշվով հաղթանակը։
«Կարծում եմ, որ դա վրեժ էր երկրպագուների համար: Մենք՝ որպես ֆուտբոլիստներ, հետ չենք նայում անցյալին։ Թիմն արդեն կենտրոնացած է հաջորդ հանդիպման վրա։
Զարմանալի, յուրահատուկ երեկո էր. ես հեթ-տրիկի հեղինակ դարձա ակումբի կազմում իմ 100-րդ խաղում: Ես շատ գոհ եմ իմ ելույթից և մեր խաղից: Որպես թիմ մենք իսկապես լավ խաղացինք, և դա ինձ համար ամենակարևորն է: Չեմպիոնների լիգայում երկրորդ հաղթանակը շատ կարևոր էր»,- Ռաֆինյայի խոսքերն է մեջբերում ESPN-ը:
Հիշեցնենք, որ կատալոնացիները հաղթեցին 4։1 հաշվով, իսկ բրազիլացին դարձավ հեթ-տրիկի հեղինակ։
Աղբյուր ArmSport.am
