Գերմանիայի կանցլեր Օլաֆ Շոլցի պատրաստակամությունը` ՌԴ նախագահ Վլադիմիր Պուտինի հետ քննարկել Ուկրաինայի իրավիճակի կարգավորումը, կարևոր ազդանշան է։
ՌԴ նախագահի մամուլի քարտուղար Դմիտրի Պեսկովն այս մասին հայտարարել է՝ նշելով, որ Արևմտյան այլ երկրների հրաժարումը նման երկխոսությունից ոչ կառուցողական է:
«Մենք լսում ենք այն խոսքերը, որոնք գալիս են Բեռլինից՝ Շոլցի խոսքերը երկխոսության պատրաստակամության մասին: Սրանք կարևոր խոսքեր են, քանի որ մինչև վերջերս Գերմանիան կոլեկտիվ Արևմուտքի մնացած երկրների թվում էր, որը լիովին բացառում էր Պուտինի հետ ցանկացած շփում։ Մենք ասել ենք, որ այդ դիրքորոշումն անհեռանկարային է»,- ընդգծել է նա։
