Մադրիդի «Ռեալի» հարձակվող Կիլիան Մբապեն կարգապահական խնդիրներ ունի։
Ինչպես հայտնում է լրագրող Ռոմեն Մոլինան սոցցանցերում՝ Ֆրանսիայի հավաքականի 25-ամյա խաղացողը հոգեբանական խնդիրներ ունի, քանի որ ֆուտբոլիստը հաճախ է ալկոհոլ օգտագործում։
Մբապեն մադրիդյան ակումբին միացել է այս ամառ։ Այս ընթացքում ֆրանսիացի ֆուտբոլիստը բոլոր մրցաշարերում մասնակցել է 11 հանդիպման, որոնցում դարձել է յոթ գոլի և մեկ գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2029 թվականի ամառը:
Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 180 միլիոն եվրո։
