Մեկնարկեց տեխնոլոգիական և նորարությունների ամենամեծ միջոցառումը՝ Digitec 2024-ը։ Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը:
«Տեխնոլոգիաների զարգացումը մեզ տալիս է արդյունավետության բարձրացում յուրաքանչյուր ոլորտում, նորարարության mo խթանում և կյանքի որակի ընդհանուր բարելավում»,- գրել է Ավինյանը:
«Կարևորելով տեխնոլոգիաների դերը Երևանի զարգացման հարցում, Երևանի քաղաքապետարանի կողմից արդեն կիրառվում են որոշ տեխնոլոգիական գործիքներ, որոնք հնարավորություն են տալիս մեզ առավել արդյունավետ ծառայություններ մատուցել երևանցիներին»,- հավելել է քաղաքապետը:
