Հայաստանի հավաքականները կրկին վստահ հաղթանակ տարան շախմատի համաշխարհային Oլիմպիադայում, հայտնում է Հայաստանի Շախմատի ֆեդերացիայի մամուլի ծառայությունը։
Օլիմպիադայի 2-րդ խաղափուլում կանանց հավաքականը 4-0 հաշվով առավելության է հասել Մեքսիկայի հավաքականի նկատմամբ:
Հաղթանակ են տարել Լիլիթ Մկրտչյանը, Մարիամ Մկրտչյանը, Էլինա Դանիելյանը և Աննա Սարգսյանը:
Տղամարդկանց հավաքականը 3-1 հաշվով առավելության է հասել Անդորրայի հավաքականի նկատմամբ:
Հաղթանակ են տարել Հայկ Մարտիրոսյանը և Կարեն Գրիգորյանը: Շանթ Սարգսյանի և Ռոբերտ Հովհաննիսյանի խաղերն ավարտվել են ոչ-ոքի արդյունքով:
Նշենք, որ առաջին տուրում տղամարդկանց հավաքականը 4-0 հաշվով առավելության էր հասել Մալթայի հավաքականի նկատմամբ: Կանանց հավաքականը 4-0 հաշվով առավելության էր հասել Տրինիդադ և Տոբագոյի հավաքականի նկատմամբ:
