Երևանի ավագանու հերթական նիստի ընթացքում «Հանրային ձայն» խմբակցության ղեկվար Վահան Ավագյանը ներկայացրեց իրենց խմբակցության անդամ Անուշ Խուդավերդյանին ավագանու անդամի լիազորությունները դադարեցնելու մասին նախագիծը։
Նշվում է, որ Խուդավերդյանը նույնպես բացակայել է 2024 թվականի փետրվարից մինչև հունիս ընկած ժամանակահատվածում Երևանի ավագանու նիստերի քվեարկությունների կեսից ավելիից՝ ներկա չլինելով 29 քվեարկություններից 16-ին։
Անուշ Խուդավերդյանի ավագանու անդամի լիազորությունները դադարեցվին 33 կողմ, 4 դեմ ձայնով։
Ավելի վաղ Երևանի ավագանին էլ կողմ քվեարկեց «Ազգային առաջընթաց» խմբակցության ղեկավար Գրիգոր Երիցյանի և «Հանրային ձայն» խմբակցության անդամ Անուշ Գինոսյանի ավագանու անդամի լիազորությունները դադարեցնելու մասին նախագծին։
Հիշեցնենք՝ Երևանի ավագանու նիստում քննարկվում էր ավագանու 3 անդամի՝ «Ազգային առաջընթաց» խմբակցության ներկայացուցիչ Գրիգորի Երիցյանի, ինչպես նաև «Հանրային ձայն» խմբակցության ներկայացուցիչներ Անուշ Խուդավերդյանի ու Անուշ Գինոսյանի լիազորությունները վաղաժամկետ դադարեցնելու հարցը։
