Հայաստանի և Վրաստանի պաշտպանության նախարարներն Սուրեն Պապիկյանն ու Իրակլի Չիկովանին այսօր կայացած հանդիպմանը քննարկել են պաշտպանության բնագավառում Հայաստան-Վրաստան համագործակցությանն ու տարածաշրջանային անվտանգությանն առնչվող մի շարք այլ հարցեր:
Ըստ ՊՆ հաղորդագրության՝ հանդիպմանը պայմանավորվածություն է ձեռք բերվել տարբեր խմբերի փոխայցելությունների միջոցով ուսումնասիրել նաև երկկողմ պաշտպանական համագործակցության հետագա ընդլայնման ու նոր ոլորտների ընդգրկման հնարավորությունները:
Պապիկյանն ու Չիկովանին ընդգծել են տարածաշրջանում երկարաժամկետ և կայուն խաղաղություն հաստատելու կարևորությունը:
Պաշտպանության նախարար Սուրեն Պապիկյանը պաշտոնական այցով Վրաստան է մեկնել սեպտեմբերի 1-ին՝ վրաց պաշտոնակցի հրավերով:
