Թուրքիան ակնկալում է Ադրբեջանի և Հայաստանի միջև խաղաղության պայմանագրի շուտափույթ ստորագրում։
Թուրքիայի ԱԳՆ ղեկավար Հաքան Ֆիդանն այս մասին հայտարարել է՝ ելույթ ունենալով Թյուրքական պետությունների կազմակերպության ԱԳ նախարարների խորհրդի նիստում։
«Հարավային Կովկասում խաղաղության պատմական հնարավորություն է ստեղծվել։ Դա հնարավորություն է ոչ միայն տարածաշրջանային երկրների համար, այլ նաև միջազգային տրանսպորտային հանգույցների ապաշրջափակման համատեքստում՝ ոչ միայն թյուրքական աշխարհի, այլև համաշխարհային անվտանգության համար»,- մասնավորապես ասել է Ֆիդանը:
