Ամերիկայի Միացյալ Նահանգները կշարունակի աշխատել Հայաստանի և Ադրբեջանի հետ՝ Վաշինգտոնում կայանալիք ՆԱՏՕ-ի գագաթնաժողովի շրջանակում կոնկրետ հանդիպումների և խնդիրների ուղղությամբ։
Այս մասին հերթական ճեպազրույցի ժամանակ ասել է ԱՄՆ պետքարտուղարության փոխխոսնակ Վեդանտ Պատելը՝ նշելով, որ երկու երկրների միջև ընթացող քննարկումները առաջնահերթություն են Պետքարտուղարության համար։
«Հարավային Կովկասի հիմնախնդրի համատեքստում սա մեզ համար առաջնահերթություն է։ Մենք կշարունակենք աշխատել կոնկրետ հանդիպումների և խնդիրների ուղղությամբ գագաթնաժողովի շրջանակներում»,- ասել է նա։
Պետքարտուղարության խոսնակը չի մանրամասնել հանդիպումների հստակ օրակարգը: