Կաթողիկե Սբ․ Աստվածածին և Սբ․ Աննա եկեղեցու բակում, օրվա ամփոփման ժամանակ Բագրատ արքեպիսկոպոս Գալստանյանը ներկայացրեց հունիսի 1-ի անելիքները։
Նա նշեց, որ վաղը մեկնելու են Գյումրի։
«Գյումրի ենք մեկնելու, քանի որ երեխաների միջազգային տոնն է, նաև երեխաներին հանդիպելու։ Եվ երեկոյան ժամը 6-ին հանրահավաք ունենք Գյումրու Վարդան Աճեմյանի անվան թատրոնի բակում։ 11։30 Աշտարակի Կարմիր Խաչի մոտից մեքենաների շարասյունը կմեկնի Գյումրի, ովքեր ցանկանում են միանալ, թող տեղեկացնեն։ Այս այցը չափազանց կարևոր է մեզ համար։ Մեր օրակարգը քայլ առ քայլ գնում է առաջ։ Պետք է երեխաների առջև խոստում տամ, որ այս պայքարը կհասնի իր նպատակին»,-ասաց Բագրատ Սրբազանը։
