Արարատի մարզում 59-ամյա տղամարդը դպրոցում սովորող 14-ամյա աղջկան թմրամիջոց է հյուրասիրել. shamshyan

Վերջին ամիսներին ՀՀ Ներքին գործերի նախարարության ոստիկանության մարզային վարչությունների, տարածքային բաժինների, ինչպես նաև ՀՀ ՆԳՆ ոստիկանության Պարեկային ծառայության Երևան քաղաքի գնդի ու մարզային գումարտակների պարեկները ակտիվ պայքար են տանում ապօրինի թմարմիջոցնեերի տարածման իրացման օգտագործման դեմ: Ինչպես հայտնում է ֆոտոլրագրող Գագիկ Շամշյանը, մայիսի 18-ին ՀՀ Ներքին գործերի նախարարության ոստիկանության Արարատի բաժնում անչափահասների գործերով բաժանմունքում ավագ տեսուչը օպերատիվ տեղեկություններ է ստացել, որ անհայտ անձը Արարատ քաղաքի դպրոցներից մեկում աշակերտուհուն թմրամիջոց է հյուրասիրել:

Տեղեկությունը ճշտելու ՀՀ ՆԳՆ ոստիկանության Արարատի մարզային վարչությունում վարչության պետ Սարիբեկ Ռուստամյանի, վարչության պետի օպերատիվ գծով տեղակալ Մամիկոն Հակոբյանի և ոստիկանության Արարատ բաժնի պետ Ֆիլիպպ Ստեփանյանի գլխավորությամբ մշակվում է օպերատիվ պլան, որպեսզի հայտնաբերեն կասկածյալին: Մարզի ոստիկանապետի որոշմամբ ստեղծվում է օպերատիվ խումբ և իրականացվում է օպերացիա, որը կրում է «Մոլախոտը տեղ չունի մեր կյանքում» անունը:

Պարզվում է, որ ավագ տեսուչի ստացած տեղեկությունը հավաստի է, և ոստիկանները նշված արարքը կատարելու կասկածանքով Արարատ քաղաքում հայտնաբերում են կասկածյալին և նրան բերման ենթարկում ոստիկանության Արարատի բաժին: Պարզվում է, որ նա Արարատ քաղաքի դպրոցներից մեկում սովորող աշակերտուհուն կանեփի բույսից պատրաստված թմրամիջոց է հյուրասիրել, ասելով` «Եթե դա օգտագործես, քո համար ամեն ինչ լավ կլինի, քեզ լավ կզգաս, գիտելիքներիդ առաջադիմությունը կբարձրանա»:

Մանրամասն՝ սկզբնաղբյուր կայքում։

Լրահոս

Օրացույց

Հունիսի 2024
Ե Ե Չ Հ Ու Շ Կ
 12
3456789
10111213141516
17181920212223
24252627282930