«Այս իշխանության օրոք նախկին բոլոր արժեքներն ոտնահարվեցին, թերությունները բազմապատկվեցին, շարունակական սպառնալիքներն այսօր ակնհայտ երևում են»,- Ազգային ժողովի նիստում հայտարարեց «Հայաստան» խմբակցության ղեկավար Սեյրան Օհանյանը։
Նա նշեց, որ անհաջողությունների շղթան այսօր էլ շարունակվում է. «Դա է հիմք հանդիսանում, որ որպես ընդդիմություն մենք քննադատում ենք ձեզ, իսկ դուք քննադատում եք անցյալը։
Անցյալում ձեզանից ոմանք եղել են այդ արժեքների կրողներից մեկը, իսկ շատ շատերը ոչինչ են եղել։ Իսկ այսօր դուք ոչնչացրել եք ամեն ինչ»։
Օհանյանն ասաց, որ այն, ինչ կատարվում է այսօր սահմաններում, հետևանք է այն զիջողական քաղաքականության, որը սկսվել է Սյունիքից, Գեղարքունիքից, դրա շարունակությունն արտահայտվում է Տավուշի մարզում։
