ՔՊ համամասնական ցուցակի 50 ընտրյալների փոփոխություն է լինելու։ Տղամարդիկ իրենց տեղը զիջելու են կանանց։ Այս մասին NEWS.am–ին հայտնեցին ՔՊ–ից։
Նշենք, որ սա օրենքի պահանջն է, քանի որ սահմանված է, որ քաղաքական ուժերի համամասնական ցուցակներում յուրաքանչյուր երրորդը կին պետք է լինի։
Ըստ այդմ, ցուցակի վերջին 4 տղամարդիկ դուրս են գալու ցուցակից` տեղափոխվելով մյուս 50-յակի մեջ։ Ըստ այդմ, Սերգեյ Բագրատյանը, Վահե Ղալումյանը, որոնք հավասար ձայներ են հավաքել` 298, լքելու են առաջին 50 հորիզոնականները։ հաջողակների 50–յակը լքելու են նաև Վաղարշակ Հակոբյանը և Արագածոտնի մարզպետ Սերգեյ Մովսիսյանը։
Նրանց փոխարեն 50-ին կմիանան ՔՊ խմբակցության պատգամավորներ Լուսինե Բադալյանը, Արփի Դավոյանը, Լիլիթ Մինասյանը և ՔՊ վարչության հաշվիչ հանձնաժողովի անդամ Արաքսյա Վարդանյանը։
Հիշեցնենք, որ ՔՊ–ում տեղի է ունեցել քվեարկություն ԱԺ պատգամավորի թեկնածու առաջադրվելու հավակնություն ունեցող 274 անձանց միջեւ։ Առաջին 50 անձինք կհայտնվեն ՔՊ ցուցակում։ Երկրորդ փուլում այս անձինք քարոզարշավ կիրականացնեն և ևս մեկ քվեարկությամբ կորոշվի, թե ով ցուցակում որ հորիզոնականն է զբաղեցնելու։
