Միսկի խմբի լուծարումը իրականացվել է Հայաստանի և Ադրբեջանի ղեկավարների դիմումի հիման վրա: Այդ դիմումը կոպտորեն ոտնահարում է միջազգային իրավունքը՝ արդարացնում է Արցախի հայ բնակչության դեմ կատարած ցեղասպանությունը ու էթնիկ զտումը, և անտեսում է 150,000 մարդու սեփական հայրենիք վերադառնալու, ինքնորոշվելու անօտարելի իրավունքը: Այս մասին խորհրդարանական լսումների ժամանակ ասել է Արցախի ԱԺ նախագահ Աշոտ Դանիելյանը:
Աշոտ Դանիելյանը հավելել է, որ այս որոշումը համապատասխանում է Ադրբեջանի իշխանությունների երկար տարիների ձգտումներին:
«Ադրբեջանի իշխանությունների երկար տարիների ձգտումներին, որոնց պարզապես կանաչ լույս վառեցին Հայաստանի իշխանությունները՝ զրկելով հայկական կողմի հակամարտության կարգավորման միջազգայնորեն մանդատավորված միակ կառույցից»,-նշել է նա:
«ՀՀ իշխանությունները փորձում են մոռացության ենթարկել Արցախը, արտաքին քաղաքական օրակարգից հանում են իրենց հայրենակիցների իրավունքների պաշտպանությունը:
Մեր գործունեության առանցքը լինելու է մեր իրավունքների վերկանգնումն ու ժողովրդի անվտանգ վերադարձն Արցախ»,- ավելացրել է Դանիելյանը:
