Հարավային Կորեայի նախկին նախագահ Յուն Սեոկ-Յուլին մեղադրանք է առաջադրվել Հյուսիսային Կորեայի հետ ռազմական հակամարտություն հրահրելու փորձի և թշնամուն գաղտնի տեղեկատվություն փոխանցելու մեջ, հաղորդել է «Յոնհապ» լրատվական գործակալությունը՝ Известия-ի փոխանցմամբ։
«Դատախազությունը հայտարարել է, որ մեղադրանք է առաջադրել նախկին նախագահ Յունին՝ պետական դավաճանության և լիազորությունների չարաշահման միջոցով իրավունքներին խոչընդոտելու մեղադրանքներով», — ասվում է հաղորդագրության մեջ։
Մեղադրանքներ են առաջադրվել նաև նախկին պաշտպանության նախարար Կիմ Յոն Հյունի և զինված ուժերի հակահետախուզության հրամանատարության նախկին ղեկավար Յո Ին Հյունի դեմ։
Հստակեցվում է, որ անցյալ տարվա հոկտեմբերին մեղադրյալները, ենթադրաբար, անօդաչու թռչող սարքեր են ուղարկել Հյուսիսային Կորեա՝ երկիրը հակադարձ գործողությունների հրահրելու և Հարավային Կորեայում ռազմական դրություն հայտարարելու պատրվակ ստանալու համար։ Հարավկորեական անօդաչու թռչող սարքերից մեկը վթարի է ենթարկվել Հյուսիսային Կորեայում՝ բացահայտելով գաղտնի ռազմական տեղեկություններ։
