«Մանչեսթեր Յունայթեդը» ցանկանում է պայմանագիր կնքել Մադրիդի «Ռեալի» ուրուգվայցի կիսապաշտպան Ֆեդերիկո Վալվերդեի հետ։ Այս մասին հայտնում է Transfer News Live-ը, գրում է ArmSport.am-ը։
Աղբյուրի տեղեկացմամբ՝ «կարմիր սատանաները» 27-ամյա խաղացողի համար պատրաստ են մադրիդյան գրանդին առաջարկել 70 միլիոն ֆունտ (մոտ 80 միլիոն եվրո)։
Նշվում է, որ գործարքի մաս կարող է կազմել նաև Կոբի Մեյնուն, որը ներկայումս քիչ խաղաժամանակ է ստանում մանկունյանցիների կազմում։
Վալվերդեի գործող պայմանագրի ժամկետը «Ռեալի» հետ նախատեսված է մինչև 2029 թվականի հունիսի 30-ը։ Transfermarkt-ը ուրուգվայցի կիսապաշտպանի տրանսֆերային արժեքը գնահատում է 130 միլիոն եվրո։
