Կառավարությունն իր այսօրվա՝ հուլիսի 17–ի նիստում 575.5 մլն դրամ հատկացրեց Երևանում 22 կոյուղատար համակարգ վերակառուցելու նպատակով։
Հիմնավորման մեջ նշվում է, որ որոշման ընդունումը պայմանավորված է Երևանի կոյուղատար համակարգերի խնդրահարույց հատվածների կառուցման և վերակառուցման անհրաժեշտությամբ։ Այդ նպատակով առաջնահերթություն է տրվել 22 օբյեկտի՝ հաշվի առնելով մաշվածությունը, քաղաքացիների դիմում–բողոքները և սոցիալական ցանցերում բազմաթիվ բողոքների առկայությունը։
Կոյուղատարների վերակառուցման համար որոշման նախագծով պահանջվող գումարը կկազմի 575 մլն 583 հազար դրամ, որը կվերաբաշխվի ՀՀ 2025 թ. պետական բյուջեի «Ջրամատակարարաման և ջրահեռացման բարելավում» ծրագրի «Ջրամատակարարման և ջրահեռացման համակարգի հիմնանորոգում» միջոցառման մասով հատկացված չբաշխված գումարից։
