Տաջիկստանում՝ Ղրղզստանի սահմանի մոտ, 5.1 մագնիտուդով երկրաշարժ է տեղի ունեցել

Ղրղզստանի և Տաջիկստանի սահմանին 5,1 մագնիտուդ ուժգնությամբ երկրաշարժ է գրանցվել, այս մասին լրագրողներին հայտնել են Ղրղզստանի գիտությունների ազգային ակադեմիայի սեյսմոլոգիայի ինստիտուտի մամուլի ծառայությունից։

Ինստիտուտի տվյալներով՝ 5,1 մագնիտուդով ստորգետնյա ցնցումները գրանցվել են շաբաթ երեկոյան։ Երկրակեղևի տատանումների օջախը գտնվել է Տաջիկստանի տարածքում՝ Ղրղզստանի Կորգոն գյուղից 70 կիլոմետր հարավ-արևմուտք, իսկ Բատկեն քաղաքի մարզկենտրոնից՝ 115 կիլոմետր հարավ։