ԵՄ-ն շարունակում է ինտենսիվ առևտրային բանակցությունները ԱՄՆ-ի հետ հուլիսի 9-ի մաքսատուրքերի վերջնաժամկետից առաջ։ Դաշինքը առաջընթաց է գրանցում։ Այս մասին հայտարարել է ԵՄ տնտեսական հանձնակատար Վալդիս Դոմբրովսկիսը, հաղորդում է Bloomberg-ը։
«Մենք նախընտրում ենք գտնել փոխադարձաբար ընդունելի լուծում և, որոշ առումով, մեղմացնել առևտրային լարվածությունը», — ասել է Դոմբրովսկիսը։
Միևնույն ժամանակ, նա զգուշացրել է. «ԵՄ-ն պատրաստ է միջոցներ ձեռնարկել մեր տնտեսական շահերը և մեր բիզնեսը պաշտպանելու համար, եթե չկարողանանք գտնել այս լուծումը»։
Հարցին, թե արդյոք ԵՄ-ն հաշտվել է այն փաստի հետ, որ ԱՄՆ նախագահ Դոնալդ Թրամփը կպահպանի հիմնական մաքսատուրքը 10% մակարդակի վրա, Դոմբրովսկիսը պատասխանել է, որ «այսպես կոչված փոխադարձ մաքսատուրքերը» սպեկուլյատիվ ենթադրություններ են, «որոնք չեն արտացոլում բանակցությունների ներկայիս վիճակը»։
