Ադրբեջանն Արցախում շարունակում է ոչնչացնել հուշարձաններ, խաչքարեր։ Այս մասին տեղեկանում ենք Artsakh Monuments-ի տարածած հայտարարությունից։
«Բարբարոս Ադրբեջանի հակահայ, հակամշակույթ ավերիչ քաղաքականությունը անարգել շարունակվում է Արցախում։ Անխնա ոչնչացվում է, ամեն ինչ, ինչ հայկական է։
Քոչվորները ավերել են Մարտակերտի շրջանի Վանք գյուղի 1941-45թթ հայրենական պատերազմի զոհերի հուշարձանը, արցախյան ազատամարտի զոհերի հիշատակը հավերժացնող խաչքարն ու զոհված ազատամարտիների պատկերաքանդակներով հուշապատը»,-ասված է հայտարարության մեջ։
