Մուսկատում ավարտվել է Իրանի և ԱՄՆ-ի միջև անուղղակի բանակցությունների առաջին փուլը, հայտնում է Tasnim գործակալությունը։
Ավելի վաղ Իրան-ԱՄՆ բանակցային թիմի անդամը հայտարարել էր, որ բանակցություններում մթնոլորտը «դրական է»:
Այսօր Օմանի մայրաքաղաքում անուղղակի բանակցություններ են անցկացվել Իրանի և ԱՄՆ-ի միջև։ Այս անուղղակի բանակցությունները միջնորդել է Օմանի արտգործնախարար Բադր ալ Բուսաիդը։
Իրանական կողմը հայտարարել է, որ այս անուղղակի բանակցությունները վերաբերում են բացառապես միջուկային խնդիրներին։ Թեհրանը բազմիցս ընդգծել է, որ չի ընդունի այդ բանակցություններում սպառնալիքները և կքննարկի միջուկային հարցը միայն փոխշահավետ բանակցությունների հիման վրա։
Իրանը հայտարարել է, որ Թեհրանի բանակցությունների տրամաբանությունը պատժամիջոցների չեղարկման դիմաց վստահության ձևավորումն է:
