ՀՀ վարչապետ Նիկոլ Փաշինյանը սոցիալական ցանցերի իր էջերում նոր տեսանյութ է հրապարակել՝ նշելով, որ աշխատանքի է գնացել մետրոյով:
«Հեծանիվի եղանակ չի, ես էլ մետրոյով եկա աշխատանքի»,-գրել է վարչապետը:
Նա ցույց է տվել QR կոդով կտրոն վերցնելու գործընթացը, հայտնել,որ մետրոյում հանդիպել է մի քաղաքացու, որն ունեցել է երկրորդ կարգի հաշմանդամություն և տեղյակ չի եղել, որ փետրվարի 1-ից կարող է երթևեկել անվճար:
Վարչապետի փոխանցմամբ՝ ուղևորատոմսի անկանխիկ վճարման համակարգից ինքն օգտվում էր առաջին անգամ և տպավորված է:
