Հայաստանի ֆուտբոլի ազգային թիմի նախկին ավագ և Միլանի «Ինտեր»-ի կիսապաշտպան Հենրիխ Մխիթարյանն աջակցություն է հայտնել Բաքվում ապօրինի պահվող ԼՂ ռազմաքաղաքական նախկին ղեկավարությանն ու հայ գերիներին։
«Ինստագրամ»-ի իր էջի սթորի բաժնում Մխիթարյանը կիսվել է Լեռնային Ղարաբաղի նախկին պետնախարար Ռուբեն Վարդանյանի հայտարարությամբ և օգտագործել «Ազատություն Ռուբեն Վարդանյանին: Ազատություն հայ գերիներին» հեշթեգերը:
«X»-ի իր միկրոբլոգում Մխիթարյանը հրավիրել է ՄԱԿ-ի, ՄԱԿ-ի մի շարք կառույցների, Amnesty International-ի, ՅՈՒՆԵՍԿՕ-ի, Մարդու իրավունքների հիմնադրամի, Միջազգային քրեական դատարանի ուշադրությունը։
Հիշեցնենք՝ Ադրբեջանում հունվարի 17-ից սկսվում են շինծու մեղադրանքներով ռազմական հանցագործությունների համար մեղադրվող հայերի դատավարությունները։
