Ծովինար Թադևոսյանը կնշանակվի Քրեակատարողական ծառայության պետ, Ֆեյսբուքում գրել է վարչապետ Նիկոլ Փաշինյանը։
Գործադիրի ղեկավարը կից փոքրիկ տեսանյութ է հրապարակել, որտեղ երևում է, որ այսօր կառավարությունում ընդունել է Թադևոսյանին։
Ծովինար Թադևոսյանը Քրեակատարողական ծառայության Սոցիալական, հոգեբանական և իրավական աշխատանքների բաժնի պետն էր։
Քրեակատարողական ծառայության պետ Ամբակում Գրիգորյանն 2024-ի դեկտեմբերի 5-ին ազատվեց պաշտոնից։ Արդարադատության նորանշանակ նախարար Սրբուհի Գալյանը գերադասել է չաշխատել Գրիգորյանի հետ, նա էլ օրենքի ուժով ազատվել է, իսկ վարչապետն էլ ստորագրել է ազատման մասին որոշումը։
Գրիգորյանն այս պաշտոնում նշանակվել էր 2023 թվականի դեկտեմբերի 18-ին՝ վարչապետի որոշմամբ:
Տեսանյութը Tvnews.am-ի տելեգրամյան ալիքում։
