ՌԴ նախագահ Վլադիմիր Պուտինը օրենք է ստորագրել, որն արգելում է դպրոց ընդունել ներգաղթյալ այն երեխաներին, որոնք չեն տիրապետում ռուսերենին: Փաստաթուղթը հրապարակվել է։
Այժմ օտարերկրյա քաղաքացիներին կընդունեն հիմնական հանրակրթական ծրագրերով սովորելու՝ ՌԴ-ում գտնվելու օրինականությունը հաստատող փաստաթղթի ներկայացման դեպքում:
Դպրոց ընդունվելու համար անհրաժեշտ է նաև հաջողությամբ անցնել ռուսաց լեզվի իմացության թեստավորում, որը բավարար է տարրական ընդհանուր, հիմնական ընդհանուր և միջնակարգ հանրակրթության կրթական ծրագրերը յուրացնելու համար:
Քննությունը հնարավոր կլինի անվճար հանձնել պետական կամ համայնքային հանրակրթական կազմակերպություններում: Թեստավորումը չանցնող երեխաներին թույլ չեն տա դպրոց հաճախել մինչև նշված կրթական ծրագրերի յուրացումը:
Օրենքի համաձայն՝ թեստավորման կարգը կսահմանի ՌԴ կրթության նախարարությունը։
«Ռոսոբրնադզոր»-ը պատասխանատու կլինի քննության մեթոդական աջակցության, ախտորոշիչ նյութերի մշակման կազմակերպման համար, ինչպես նաև կորոշի անցած թեստի գնահատման չափանիշները և միավորների նվազագույն քանակը, որոնք հաստատում են ռուսաց լեզվի բավարար մակարդակի իմացությունը:
