Ինչպես հայտնել էինք, ՀՀ վարչապետի տիկին Աննա Հակոբյանն այցելել է «Աբովյան» քրեակատարողական հիմնարկ, որտեղ ներկա է գտնվել «Հանուն ազատության» իրավական հասարարական կազմակերպության կազմակերպած տարեմուտի տոնական համերգին:
Վարչապետի տիկինն այցից լուսանկարներ, ավելի վաղ նաև տեսանյութ է հրապարակել:
Համերգի ընթացքում անազատության մեջ գտնվող կանանց ուրախ պահեր են պարգևել երգիչներ Լեյլա Սարիբեկյանը, Նարեկ Պողոսյանը, Սամսոն Պանյանը, Արսեն Զաքարյանը, Դավիթ Հայրոյանը և Դավիթ Աղասին։
Աննա Հակոբյանը ծանոթացել է նաև կրթական դասընթացների մասնակցած դատապարտյալների ձեռքի աշխատանքներին: Այս տարվա ընթացքում «Աբովյան» ՔԿՀ-ում նման դասընթացների մասնակցել է 20 դատապարտյալ:
