Երևանի քաղաքապետ Տիգրան Ավինյանը մեկ շաբաթում դատի է տվել երեք լրատվամիջոցի։ Այս մասին փոխանցում է Panorama.am-ը։
Դատալեքսի տեղեկություններով մեկ շաբաթվա ընթացքում Ավինյանը երեք հայց է ներկայացրել երեք լրատվամիջոցի՝ «Սիվիլիթաս» հիմնադրամի, «Օրագիր»-ի ու «Ժողովուրդ»-ի դեմ։
Առաջին երկու ԶԼՄ-ների դեմ հայցերը դատարանը ստացել է դեկտեմբերի 10-ին, «Ժողովուրդ»-ի դեմ հայցը՝ դեկտեմբերի 18-ին։
Ավինյանը դատարանի միջոցով ԶԼՄ-ներից պահանջում է հրապարակային ներողություն խնդրել, զրպարտություն համարվող փաստացի տվյալները հրապարակայնորեն հերքել, ինչպես նաև փոխհատուցում վճարել։
«Ժողովուրդ» օրաթերթի դեմ հայցը դեկտեմբերի 18-ին մակագրվել է Երևանի քաղաքացիական դատարանի դատավոր Սերինե Խաչատրյանին։
«Օրագիր»-ի դեմ հայցը մակագարվել է դատավոր Սարգիս Արմենակյանին։
«Սիվիլիթաս»-ի դեմ հայցը մակագրվել է դատավոր Արմենուհի Բադիրյանին։
Ավինյանը «Սիվիլնեթ»-ի դեմ հայց է ներկայացրել «Ավինյանների բիզնեսը՝ պետական գումարների անուղղակի շահառու» հոդվածի համար։
