Հովիկ Աղազարյանի հեռախոսի գործով ոչ մի օրենք չի խախտվել. պատգամավոր

Իշխող «Քաղաքացիական պայմանագիր» կուսակցության նախկին պատգամավոր Հովիկ Աղազարյանի հեռախոսի դեպքում ոչ մի օրենք չի խախտվել։ Այս մասին դեկտեմբերի 6-ին Ազգային ժողովում ավանդական ճեպազրույցների ժամանակ հայտարարեց իշխող «Քաղաքացիական պայմանագիր» կուսակցության խորհրդարանական խմբակցության քարտուղար Արթուր Հովհաննիսյանը։

Աղազարյանի դեմ բոլոր գործընթացները, ըստ նրա, տեղի են ունեցել դատարանի կողմից տրված թույլտվության շրջանակներում։

«Ոչ մեկի իրավունքները չեն ոտնահարվել»,- ընդգծեց Հովհաննիսյանը։

Միաժամանակ, ըստ Հովհաննիսյանի, Աղազարյանի անձնական հաղորդագրությունների բովանդակությունն ու անձնական կյանքը չի քննարկվել։