Եթե իրենք հետ են գնում 2003 թվական ու հիշում են Պողոս Պողոսյանի դժբախտ դեպքը… այս մարդիկ սպանությունից, մնացած բաներից իրավունք չունեն խոսել: Այս մասին, այսօր՝ դեկտեմբերի 5-ին, ԱԺ-ում լրագրողների հետ զրույցում նշեց ԱԺ «Հայաստան» խմբակցության պատգամավոր Լևոն Քոչարյանը՝ անդրադառնալով ԱԺ նախագահ Ալենի Սիմոնյանի՝ ԱԺ ամբիոնից հնչեցրած ելույթին:
«Էս մարդիկ ուղղակի սպանությունից ու մնացած բաներից պարզապես իրավունք չունեն խոսել, հազարավոր երեխեքի տարել, կոտորել են իրենց պատճառով ստեղծված պատերազմը, այն ելքը, որ ունեցանք, շարասյունով հղի կնոջը գցում են ավտոի տակ, նույնիսկ չեն էլ կանգնում, հասկանան՝ ինչ է եղել, ինչով կարող են օգնել: Ու այս մարդիկ դեռ երես ունեն, ընդհանրապես դուրս գան ու մարդկանց նայեն»,-ասաց նա:
