Հայաստանի և ԱՄԷ հեղինակավոր գործարարները, բժիշկները, մշակույթի ու արվեստի ոլորտի վառ ներկայացուցիչները համախմբվել էին՝ մեկտեղելու գործարար համայնքի հզոր ներուժը: Այս բացառիկ միջոցառումը գնահատանքի և մեծարման երեկո էր այն անհատներին և կազմակերպություններին, ովքեր իրենց գործունեությամբ ու նվիրումով կառուցում են մեր երկրի ապագան՝ իրենց ոլորտներում դառնալով իսկական Էտալոններ։
«ՏԱՐՎԱ ԷՏԱԼՈՆ» մրցանակաբաշխությունը կոչված է ներկայացնելու նրանց, ովքեր հանդիսանում են որպես վստահության խորհրդանիշ։
Մրցանակաբաշխության շրջանակներում տարվա ընթացքում կատարվել են սոցիոլոգիական հարցումներ, մասնագիտական վերլուծություններ, որոնց արդյունքում էլ ընտրվել են «ՏԱՐՎԱ ԷՏԱԼՈՆ 2024» անվանակարգի մրցանակակիրները։
Միջոցառման գլխավոր հյուրերն էին՝ Դուբայում ՀՀ Գլխավոր հյուպատոս Արտակ Ավետիսյանը, Դուբայում ՀՀ Գլխավոր հյուպատոսության խորհրդական Սաթենիկ Զիրեկյանցը, Դուբայի և հյուսիսային Էմիրությունների հոգևոր հովիվ Արժանապատիվ Տեր Արամ ավագ քահանա Տէյիրմենճեանը, ԱՄԷ Շեյխ Ջումա Բին Մաքթում Ալ Մակթումի գրասենյակի գործադիր տնօրեն և մասնավոր խորհրդական նորին գերազանցություն Յաքուբ Ալ Ալին, GBS Դուբայ Մերձավոր Արևելքի արդյունաբերության հետ կապերի տնօրեն Դոկտոր Մոհամեդ Բամաթրաֆը, Շեբա Թագավորական պալատի սենատոր, բարի կամքի դեսպան, ԱՄԷ & I AM AFRICA պլատֆորմի նախագահ և հիմնադիր Woman Business Circle, GCBL-ի փոխնախագահ նորին գերազանցություն Լեիլա Ռահհալ Էլ Աթֆանին:
Հեռուստահաղորդավար, Luxury ապրանքանիշի դեսպան, բարերար Լառա Թաբեթը, Աբու Դաբիի Capital Group ընկերության փոխնախագահ Ռաֆիկ Քամէլը, EMAAR կառուցապատման ընկերության փրոդուկտ մենեջեր Մարալ Դարակջյանը, «ԼԵԳՈԼԵՆԴ» հյուրանոցի վաճառքների ղեկավար Մազեն Ալդղլին:
Sueyd Capital ընկերության տնօրեն, Հայ ֆինանսիստները ԱՄԷ-ում խմբի ղեկավար Նազարեթ Թանգարյանը, Startupscal e360-ի գործադիր տնօրեն և կառավարիչ գործընկեր Սվիթհալ Կումարը, ԱՄԷ կառավարության ներկայացուցիչ Տարեկ Ախմեդը և այլ բարձրաստիճան հյուրեր։
Մրցանակաբաշխությունը վարում էր անզուգական Նազենի Հովհաննիսյանը։
«Տարվա Էտալոն 2024» մրցանակաբաշխության գլխավոր հովանավորն էր «Օրդ Գրուպ» ընկերությունների խումբը, որի կազմում գործում են մի շարք կազմակերպություններ, որոնք իրենց հիմնական գործունեությունը ծավալում են քաղաքաշինության բնագավառում։
Միջոցառումը սկսվեց ԱՄԷ և ՀՀ Ազգային օրհներգներով, այնուհետև իր օրհնության խոսքն ուղղեց ներկաներին Դուբայի և հյուսիսային Էմիրությունների հոգևոր հովիվ, Արժանապատիվ Տեր Արամ ավագ քահանա Տէյիրմենճեանը։
«Զարգացող աշխարհի հենասյուներից մեկը հանդիսացող Դուբայում այսօր Հայաստանի բիզնես աշխարհի հաջողակներն են։ Այստեղ ենք՝ արժևորելու այն նվիրումով աշխատանքն ու հսկայական ավանդը, որով մեր երկրի արժանավոր զավակներն արարում են՝ իրենց ամենօրյա ստեղծագործ աշխատանքով նպաստելով Հայաստանի՝ Երկիր մոլորակի վրա իր արժանապատիվ տեղն ունենալու իրավունքի իրացմանը։ «Պրեստիժ Մեդիայի» ամենատես աչքը փնտրում և գտնում է այն արժանավորներին, ովքեր Հայաստանում և Հայաստանից դուրս իրենց ամենօրյա աշխատանքով կաթիլ առ կաթիլ ավելացնում են Հայաստանի հեղինակությունը և ովքեր իրենց վաստակով արժանի են ճանաչման և բարձր գնահատանքի։ Եվ քանի որ «PRESTIGE»-ը հեղինակության մեդիա է, մենք այսօր արժանին ենք մատուցում առողջապահության, արդյունաբերության, մշակույթի, բիզնես աշխարհի ամենատարբեր ոլորտների այն ներկայացուցիչներին, ովքեր իրենց ներդրած ջանքերի շնորհիվ դարձել են տարվա Էտալոն և շարունակելու են լինել օրինակ Հայաստանի և միջազգային գործարար աշխարհի համար։ Սիրելի հյուրեր ուրախ եմ Ձեզ ողջունել այսօր այտեղ, շնորհակալ եմ Ձեր ներկայության համար, բոլորիս մաղթում եմ հաճելի երեկո»,-իր ողջույնի խոսքում նշեց «PRESTIGE» միջազգային մրցանակաբաշխության ղեկավար, «Պրեստիժ Մեդիա» ՍՊԸ հիմնադիր Սեդա Գասպարյանը։
Միջոցառման ներկաներին և հյուրերին ողջունեց Դուբայում ՀՀ Գլխավոր հյուպատոս Արտակ Ավետիսյանը:
«Բարի երեկո սիրելի հայրենակիցներ, միջոցառման հարգելի մասնակիցներ եւ հյուրեր, ուրախ եմ ողջունել Ձեզ արեւաշող Դուբայ քաղաքում «PRESTIGE» միջազգային համահայկական մրցանակաբաշխության հերթական միջոցառման առիթով։ Թույլ տվեք նախ եւ առաջ շնորհավորել բոլորիս այս կարեւոր իրադարձության կապակցությամբ եւ հատուկ երախտագիտություն հայտնել կազմակերպիչներին ու այն մարդկանց, որոնց համատեղ ջանքերով այս մրցանակաբաշխությունը կյանքի է կոչվել։ Այս գեղեցիկ սրահում այսօր միավորված են հայ մշակույթի, արվեստի, գործարար եւ առողջապահության ոլորտի արժանավոր ներկայացուցիչները, ինչը մեծ հպարտություն է ինձ համար։ Կարծում եմ` շատ խորհրդանշական է միջոցառման վայրի ընտրությունը, քանի որ Հայաստանը կարեւորում է Ծոցի երկրների հետ բարձր մակարդակի հարաբերությունների ամրապնդումը եւ խորացումը։
Արաբական Միացյալ Էմիրությունները եւ մանավորապես Դուբայը ունի իր առանձնահատուկ դերը այս համագործակցության զարգացման մեջ։ Թե՛ քաղաքական, թե՛ տնտեսական առումներով Հայաստանը Էմիրությունները դիտարկում է որպես կարեւորագույն կապող օղակ Հայաստանի եւ Ծոցի Արաբական երկրների միջեւ։ Մեր երկրները ունեն տնտեսական համագործակցության խորացման լուրջ ներուժ, որը դեռեւս լիարժեք չի իրացվել։ Այնուամենայնիվ պետք է փաստել, որ մեր երկկողմ հարաբերությունները ունեն քաղաքական, տնտեսական համագործակցության բարձր մակարդակ։ Հայ-էմիրաթական բարեկամական հարաբերությունների ամրապնդման գործում իր նշանակալի դերն ունի նաեւ Արաբական Միացյալ Էմիրություններում ապրող փոքրաթիվ, սակայն ակտիվ ու եռանդուն հայ համայնքը։ ԱՄԷ-ում հայերը սկսել են հաստատվել 1970-ական թվականներից՝ ներգաղթելով Սիրիայից Լիբանանից Իրանից Եգիպտոսից եւ Իրաքից։ Նրանց նվիրումի շնորհիվ է, որ այսօր գործում է Շարժայի Սուրբ Գրիգոր Լուսավորիչ եկեղեցին, որը հիմնադրվել է 1998թ. եւ Աբու Դաբիի Սրբոց Նահատակաց եկեղեցին, որը հիմնադրվել է 2014թ.:
Հարգելի ներկաներ, այսօր միջոցառումը հրաշալի առիթ է ի ցույց դնելու Հայաստանում ձեւավորված նորարարական գաղափարների հզոր ներուժը աշխարհը պետք է Հայաստանին ընկալի առաջին հերթին որպես մարդկային ռեսուրսներով հարուստ երկիր։ Մեկ անգամ եւս շնորհավորում եմ մրցանակաբաշխության մասնակիցներին, մաղթում արդյունավետ գործունեություն, նոր ձեռքբերումներ եւ բազում հաջողություններ՝ ի բարօրություն Հայաստանի եւ հայ ժողովրդի։ Վստահ եմ, որ մեր համատեղ ջանքերը՝ ուղղված Հայաստանի միջազգային վարկանիշի բարձրացմանն ու
տնտեսական կապերի ամրապնդմանը, կհանգեցնեն շոշափելի արդյունքների։ Համոզված եմ նաեւ, որ «PRESTIGE» միջազգային համահայկական մրցանակաբաշխությունը ամեն տարի զարգանալով եւ վերազինվելով կդառնա ավելի պրոֆեսիոնալ եւ ընդգրկուն՝ համախմբելով հասարակության առավել լայն շերտեր։ Վերջում ուզում եմ կրկին շնորհակալություն հայտնել մեր հարգարժան հյուրերին եւ, իհարկե, «Պրեստիժ Մեդիա» ՍՊԸ-ի թիմին՝ ի դեմս տնօրեն Սեդա Գասպարյանի, ում համառ ջանքերի շնորհիվ այս նշանակալի միջոցառումը կյանքի է կոչվել։ Շնորհակալ եմ ուշադրության համար, բոլորիս մաղթում եմ լավ երեկո»:
Դուբայում ՀՀ Գլխավոր հյուպատոսի ելույթից հետո «Պրեստիժ Մեդիա» ՍՊԸ հիմնադիր տնօրեն Սեդա Գասպարյանը ՀՀ Գլխավոր հյուպատոս Արտակ Ավետիսյանին ի նշան երախտագիտության անձամբ հանձնեց առաջին պատվավոր մրցանակը՝ Հայաստան-ԱՄԷ գործարար կապերի ամրապնդման և «PRESTIGE» միջազգային համահայկական մրցանակաբաշխության կազմակերպական աշխատանքներին աջակցելու համար։
«Տարվա Էտալոն» մրցանակաբաշխության հյուրերին ողջունեց նաև ԱՄԷ Շեյխ Ջումա Բին Մակթում Ալ Մակթումի գրասենյակի գործադիր տնօրեն և մասնավոր խորհրդական, նորին գերազանցություն Յաքուբ Ալ Ալին։ «Պրեստիժ Մեդիա» ՍՊԸ հիմնադիր տնօրեն Սեդա Գասպարյանը շնորհակալություն հայտնեց միջոցառման պատվավոր հյուր նորին գերազանցություն Յաքուբ Ալ Ալիին միջոցառման մասնակցության հրավերն ընդունելու և իր ներկայությամբ բոլորին պատվելու համար և որպես երախտագիտություն՝ բարձր գնահատելով հայ-էմիրաթական բարեկամական կապերը, նրան փոխանցեց «ՏԱՐՎԱ ԷՏԱԼՈՆ» մրցանակաբաշխության խորհրդանշական արձանիկը։
«PRESTIGE» միջազգային մրցանակաբաշխության մրցանակակիրներին իրենց պատվավոր մրցանակը հանձնեցին ԱՄԷ բարձրաստիճան հյուրերը, ինչը մեծ պատիվ էր ինչպես հյուրերի, այնպես էլ մրցանակակիրների համար։ «PRESTIGE» միջազգային մրցանակաբաշխության «Տարվա Էտալոն 2024» անվանակարգի մրցանակակիրների ամբողջական ցանկը:
ՀՐԱՉՅԱ ՊՈՂՈՍՅԱՆ
Պետերբուրգաբնակ գործարար, բարերար, հասարակական գործիչ։ Հայկական հոգևոր և մշակութային ժառանգության պահպանման և համաշխարհային ճանաչման գործում բացառիկ ավանդի և մեծ ներդրման համար՝ որպես տարվա բարերար, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ՆԱՐԻՆԵ ՉԱՐՉՅԱՆ
«Դայմոնդ Սթայլ» ՍՊԸ հիմնադիր, գործարար, հասարակական գործիչ, բարերար։ Բիզնես գործունեության մեջ իր բացառիկ նվաճումներով և առաջնորդությամբ լուրջ հաջողությունների հասած, հասարակական և բարեգործական բազում ծրագրեր իրականացրած գործարար Նարինե Չարչյանը «ՏԱՐՎԱ ԷՏԱԼՈՆ 2024» անվանակարգի մրցանակակիր։
«ԱՄԱՆՏԻՍ» էսթետիկ բժշկական կենտրոն
Մելանյա Հովհաննիսյան, «Ամանտիս» էսթետիկ բժշկական կենտրոնի հիմնադիր տնօրեն: Էսթետիկ բժշկության մեջ նորագույն սարքավորումներով հագեցած, մասնագիտական պրոֆեսիոնալ գործունեությամբ տարբերվող տարվա առաջատար էսթետիկ բժշկական կենտրոն, «ՏԱՐՎԱ ԷՏԱԼՈՆ 2024» անվանակարգի մրցանակակիր։
«ԿՈՄԻՏԱՍ ՊԱՐԿ» բազմաֆունկցիոնալ բնակելի համալիր
ՍԱՄՎԵԼ ՕՐԴՈՒԽԱՆՅԱՆ «Օրդ Դեվելոփմենթ» ընկերության համահիմնադիր: Կառուցապատման և շինարարության ոլորտի առաջատար «Օրդ Դեվելոփմենթ» ընկերության կառուցապատման ամենախոշոր նախագծերից է «Կոմիտաս Պարկ» բնակելի թաղամասը, որը ներկայումս հանդիսանում է Երևան քաղաքի ամենախոշոր թաղամասերից մեկը, իսկ Արաբկիր վարչական շրջանում իր մասշտաբով առաջինը։ «Օրդ Դեվելոփմենթ» ընկերության գործունեության հիմնական նպատակներից են՝ կառուցել սեյսմակայուն, անվտանգ, ճարտարապետական, գեղագիտական և միաժամանակ շինարարական նորովի լուծումներով նախագծերի իրականացումը, որոնք կհամապատասխանեն ժամանակակից քաղաքաշինական նորմերին և ներկա կենսակերպի պահանջներին։ «Օրդ Դեվելոփմենթ» ընկերության «Կոմիտաս Պարկ» բազմաֆունցիոնալ բնակելի համալիրը որպես տարվա լավագույն և մասշտաբային նախագիծ՝ «ՏԱՐՎԱ ԷՏԱԼՈՆ 2024» անվանակարգի մրցանակակիր։
«ՇԵԼԲԻ» տուրիստական ընկերություն
Մարինա Ավետիսյան, «Շելբի» տուրիստական ընկերության տնօրեն: Զբոսաշրջության ոլորտում վստահելի և որակյալ սպասարկում ունեցող, տարվա առաջատար և լավագույն տուրիստական ընկերություն, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ԱՐԳԻՇՏԻ ՄԵԽԱԿՅԱՆ
ՀՀ Արմավիրի մարզի Խոյ համայնք ղեկավար: Համայնքի զարգացման ու հզորացման գործում ունեցած մեծ ավանդի, հասարակական ակտիվ գործունեության համար՝ որպես լավագույն համայնքի ղեկավար, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ՌՈԶԱ ԾԱՌՈՒԿՅԱՆ
«Մուլտի Ագրո» գիտաարտադրական կենտրոնի տնօրեն, ՀՀ մեղվաբուծության ասոցիացիայի նախագահ, ՀՀ ֆերմերների ազգային միավորման նախագահ: Աշխատանքային 60-ամյա անբասիր գործունեություն, միջազգային ճանաչում և բարձր հեղինակություն ունեցող ազգային գործիչ, ազգի նվիրյալ, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ՎԱՉԷ ՔԱՎԼԱՔԻԱՆ
NDIGITEC-ի գլխավոր տնօրեն: Բիզնեսի զարգացման և թվային նորարարությունների ոլորտի առաջատար, միջազգային մեծ հեղինակություն և վստահություն ունեցող գործարար, «ՏԱՐՎԱ ԷՏԱԼՈՆ 2025» անվանակարգի մրցանակակիր։
MADERA FURNITURE FACTORY
Սուքիաս Բարսեղյան և Սուրեն Դալլաքյան, MADERA FURNITURE FACTORY-ի համահիմնադիրներ: Կահույքի արտադրության ոլորտում բարձրակարգ և որակյալ արտադրանք, բարձր վստահություն և միջազգային հեղինակություն ունեցող տարվա լավագույն ընկերություն, «ՏԱՐՎԱ էՏԱԼՈՆ 2024» անվանակարգի մրցանակակիր։
ԱՆԻ ԱՎԴԱԼՅԱՆ
«Անի Ավդալյան» իմիջ-կենտրոնների ցանցի հիմնադիր, Հայաստանի գեղեցկության վարպետների միության և CMC Armenia-ի նախագահ, ոճաբան: Գեղեցկության և սանրվածքների նորաձևության մեջ ուրույն ձեռագիր, միջազգային հեղինակություն ունեցող Անի Ավդալյանին՝ որպես ոլորտի առաջատար, «ՏԱՐՎԱ ԷՏԱԼՈՆ 2024» անվանակարգի մրցանակակիր:
«ԱԲՐԱՀԱՄՅԱՆ» ստոմատոլոգիական կլինիկա
Կարեն Աբրահամյան, «Աբրահամյան» ստոմատոլոգիական կլինիկայի հիմնադիր: Ատամնային իմպլանտացիայի ոլորտի առաջատար, միջազգային ճանաչում ունեցող տարվա լավագույն ստոմատոլոգիական կենտրոն, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ԵԼԵՆԱ ԿՐԻՆԻՑԿԱ
GemStoneCase նախագծի դեսպան, Բարեգործական կազմակերպության և երջանկության դեսպան: Տարվա միջազգային բարձր հեղինակություն և վստահություն ունեցող Roel մոդել, «Տարվա Էտալոն 2024» անվանակարգի մրցանակակիր:
«ԶՈՎՔ» սուպերմարկետների ցանց
Ռաֆայել Խաչատրյան «Զովք» սուպերմարկետների ցանցի տնօրեն: Հասարակության շրջանում բարձր վստահություն ունեցող տարվա լավագույն և առաջատար սուպերմարկետների ցանց, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ՍՈՒՐԵՆ ՆԻԿՈԼՅԱՆ
ԱՄԷ Անշարժ գույքի վաճառքի ռեկորդակիր, միջնորդ: ԱՄԷ-ի անշարժ գույքի շուկայում ռեկորդակիր, շուկայի առաջատար և լավագույն բրոքեր, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ԻՆՆԱ ՖԱԿՈՎԱ
«Intellekt Real Estate» ընկերության հիմնադիր: ԱՄԷ 2024 թվականի տարվա լավագույն անշարժ գույքի խորհրդատու, «ՏԱՐՎԱ ԷՏԱԼՈՆ 2024» մրցանակի մրցանակակիր։
OCTANTA MARITIME ACADEMY
Զելջան Բոնովակ և Ալեկսեյ Մակարով, OCTANTA MARITIME ACADEMY-ի համահիմնադիրներ: Դուբայում ժամանակակից ուսուցում, համաշխարհային կարգի հարմարություններ և համաշխարհային ճանաչում ունեցող Տարվա լավագույն ակադեմիա, «ՏԱՐՎԱ ԷՏԱԼՈՆ 2024» մրցանակի մրցանակակիր։
ԼԻԼԻԹ ՄՈՎՍԻՍՅԱՆ
Պրոդյուսեր, Art մենեջեր, գրող: «Եվ եկավ Հովհաննես» վավերագրական ֆիլմը որպես տարվա հայտնություն, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ՍՅՈՒԶԱՆՆԱ ՄԻՔԱՅԵԼՅԱՆ
«Պռոռեկա» ընկերության հիմնադիր: HoReCa ոլորտում առաջատար, միջազգային հեղինակություն և բարձր վստահություն ունեցող տարվա լավագույն մարքեթինգային ընկերություն, «ՏԱՐՎԱ ԷՏԱԼՈՆ 2024» մրցանակի մրցանակակիր։
ԿԱՐԵՆ ՀԱՄԲԱՐՁՈՒՄՅԱՆ
«Բեսթ Լայֆ» հայ-ճապոնական բժշկական կենտրոնի գլխավոր բժիշկ, ինտերվենցիոն սրտաբան: Առողջապահության զարգացման ոլորտում ակնառու ծառայության, մարդասիրության և բարեխիղճ աշխատանքի համար տարվա լավագույն և առաջատար ինտերվենցիոն սրտաբան, «ՏԱՐՎԱ ԷՏԱԼՈՆ 2024» մրցանակի մրցանակակիր։
VOYEX LLC-FZ
Լիլիթ Ավետիքյան, VOYEX LLC-FZ հիմնադիր և գործադիր տնօրեն: VOYEX ընկերությունը տարվա լավագույն և առաջատար VIP շքեղ լուծումներ և մասնավոր ինքնաթիռներ առաջարկող ընկերություն, «ՏԱՐՎԱ ԷՏԱԼՈՆ 2024» անվանակարգի մրցանակակիր։
ԳԵՎՈՐԳ ԳԵՎՈՐԳՅԱՆ
Շնորհակալագիր «Պրեստիժ Մեդիա» ՍՊԸ կողմից TripGrip ընկերությանը՝ «PRESTIGE» միջազգային մրցանակաբաշխությանը որպես գործընկեր աջակցելու համար։
Մրցանակների հանձնումից հետո մատուցվեց գալա ընթրիք։ Երեկոն իր գեղեցիկ կատարումներով անմոռանալի դարձրեց սիրված քանոնահարուհի, տաղանդավոր հայ երաժիշտ Բելլա Պապիկյանը։ «ՏԱՐՎԱ ԷՏԱԼՈՆ 2024» մրցանակաբաշխություն՝ երբ անհատական նվաճումները դառնում են ազգային հաղթանակի բանալի:
